KONTSEILUAK 2011-2014 PLAN ESTRATEGIKOA ONARTU DU 5.04.10
Posted by consejosocialupvehu in estratejikoaplana.add a comment
Gizarte Kontseiluaren Osoko Bilkurak 2011-2014 laurtekorako Plan Estrategikoa diseinatu eta onartu du. Horretan, honako helburu nagusi hauek ezarri dira: Unibertsitatearen proiektu estrategikoak laguntzea eta bultzatzea, UPV/EHUk gizartean duen presentzia eta interakzioa indartzea, eta Kontseiluaren partaidetza hobetzea unibertsitate-gobernuan.
Hiru ardatz estrategiko horiek inplementatzeko, Plan horretan hogei jardueraren garapena aurreikusi da. Jarduera horiek era progresiboan gauzatuko dira, urteko plan eragileen arabera.
Lehen Unibertsitate Enpleguaren Behatokia 29.03.10
Posted by consejosocialupvehu in observatorioPrimerEmpleoEus.add a comment
Lehendabiziko lana, “Lehen Unibertsitate Enpleguaren Behatokia” hiru helburu dituen ikasketa da: ikasle egresatuen lehen enplegurako sarbidearen joerak hauteman, lortutako kualifikazioarekin lotuz; lan-merkatuaren eskariak eta profil profesionalekiko eta eskatutako gaitasunekiko egokitasuna aztertu, eta tituludunei lanean txertatzeko orientabideak eskaini.
Ikasketak hainbat adituren iritzia hartu du kontuan eta 4.400tik gora lan-eskaintza aztertu dit, pribatu zein publikoak, eta krisia dela eta esperientziarik gabeko unibertsitate-tituludunentzako lan-eskaintzak behera egin duela ondorioztatu du; hortaz, 2011 urtera arte itxaron beharko da lana berriro ere aurreko urteetako maila bertsuetan sor dadin.
Artean, ekitaldi honetan, hauexek izango dira jarduera-alorrik dinamikoenak: enpresen administrazio, kudeaketa eta finantzak; komertziala; prestakuntza eta osasuna; ingeniaritza eta produkzioa, eta informatika; sektorerik dinamikoenak, aldiz, hauek: bioteknologiak, nanoteknologiak, ordezko energiak, garraio adimentsurako elektronika, eko-berrikuntza, eraikuntza jasangarria, IKTak, mugikortasun eta garraio-sistema aurreratuak, osasuna eta medikuntza, pertsona adindunentzako elektronika eta bizi-kalitate teknologiak.
Profilei dagokienez, azterketaren emaitzek enpresen exijentzia-maila geroz eta handiagoa da; beraz, titulazioa abiapuntua da eta ez helmuga, eta bizitza osoan zeharreko ikaskuntza ezinbesteko bilakatzen da, eta profesionalen aldetik jarrera proaktiboa eskatzen du. Hori dela eta, unibertsitate-titulazioarekiko gaitasun osagarriak garatzea funtsezkoa da enplegu-eskatzaile gaztearentzako, sei alorretan bereziki: atzerriko hizkuntza baten ezaguera (ingelesa, ahal dela); ahozko eta idatzizko komunikazio-trebetasunak; gaitasun digitala; atzerrian ikasi edo praktikak egitea; kudeaketa, talde lan, lidergo eta bezeroarekiko orientazio-gaitasuna; eta iniziatiba, sena ekintzailea eta sektore profesionalaren aldaketetara egokitzeko gaitasuna.
Azkenik, ikasketak jarduera ekonomikoko sektore nagusienetako gaitasun tekniko sorta bat ere identifikatzen du; unibertsitate-ikasleentzako orientabide izateko helburua du, lan-munduan hobeto kokatze aldera eta Unibertsitateari merkatuaren joeretara egokitzeko eta orientazio-sistemei epe labur eta ertainerako joerei buruzko materiala izan dezaten informazioa emateko.
