Gradu osteko bi titulutan bakarrik igoko dira tasak eta beste hiru titulu, berriz, berriki sortuak dira 20.07.10

GIZARTE KONTSEILUAK EHU-KO BEREZKO 39 TITULUETAKO 34TAN MATRIKULA-PREZIOAK MANTENTZEA ONARTU DU

Gaur Bilbon egin den EHUko Gizarte Kontseiluaren Osoko Bilkuran berezko 39 tituluren (5 gradukoak eta 34, gradu ostekoak) matrikula-prezioak onartu dira eta erabaki da, gehienetan (zehazki, 5 graduetan eta 29 gradu ostekotan) aurreko ikasturteko tasak mantenduko direla; bitan bakarrik igoko dira prezioak. Gainerako 3 tituluak berriki sortuak dira.
Gizarte Kontseiluaren Osoko Bilkuraren akordioan ezartzen da 5 gradu-tituluen matrikula-prezioak 0,00 eurotik (Makina-erremintako aditua edo Teknologia Aeronautikoen Intentsifikazioko aditua) 60,00 eurotara joango direla (Administrazio Publikoetako Zuzenbideko, Europar Erkidegoko eta Nazioarteko Zuzenbideko eta Enpresa Zuzenbideko aditua). Bestalde, tasak mantentzen dituzten gradu osteko berezko 29 tituluen kasuan, prezioak 21 euro (moda-diseinuko Unibertsitate Espezialistaren berezko titulua) eta 110 euro (Ondare Kudeaketako eta Banku Pribatuko gradu osteko titulua) bitartekoak izango dira kredituko.
Berriki sortu diren gradu osteko hiru titulazioen matrikula-prezioak honako hauek dira:

Halaber, tasei dagokienez, Osoko Bilkurak ikasketa osagarrietako 11 ikastaroren prezioak adostu ditu, Kontseiluak berak 2008ko otsailaren 14ko bileran ezarritako irizpideen arabera doituta; honela, 10 kreditu baino gutxiago dituzten ikastaro horien tasek ezin dute kredituko 200 euroko prezioa gainditu.
Masterrak
Kontseiluak, orobat, 2010-2011 ikasturtean 21 master-titulu ofizial ezartzea onartu du, baita El Correo – EHU Multimedia Kazetaritzako Unibertsitate Masterraren izendapena aldatzea ere; hemendik aurrera, Multimedia Kazetaritzako Unibertsitate Master deituko da. Ezarriko diren masterren zerrenda honako hau da:
– Egungo Artearen Kontserbazioa, Ikerketa eta Kudeaketa.
– Cognitive Science and Humanities
– Zientzia eta Teknologia Kuantikoa
– Enologia Berritzailea
– Ikerketa Biomedikoa
– Mikrobiologia eta Osasuna
– Ingeniaritza Biomedikoa
– Osasun Publikoa
– Zientzia Juridikoa
– Jarduera Fisikoaren eta Kirolaren Zientziak
– Euskal Nazionalismoa XXI. mendean
– Gobernantza eta Ikasketa Politikoak
– Erakundeen Psikologia
– Teknologia, Ikaskuntza eta Hezkuntza
– Eraikuntzaren Ingeniaritza
– Ondarearen Zaharberritzea eta Kudeaketa Integrala
– DBHko Irakasleen Prestakuntza
– Kimika Sintetiko eta Industriala
– Nanozientzia
– Material berriak
– Efizientzia Energetikoko Ikerketa
Lankidetzarako bekak
Kontseiluak Unibertsitate Sailetan Eusko Jaurlaritzaren Hezkuntza, Unibertsitate eta Ikerketa Sailak eta Hezkuntza eta Zientzia Ministerioak deitutako lankidetza-bekak banatzeko irizpideak ere adostu ditu. Banaketa egiteko, kontuan hartuko dira ikasle eskatzailearen espediente akademikoak lortutako puntuak (% 70) eta lan egitea eskatzen duen Unibertsitate Sailaren ekoizpen zientifikoko baremoen aplikazioak ezarritako ordenak lortutako puntuak (% 30), G9 Unibertsitate Taldeak onartu bezala.
Iraunkortasun-arauak
Azkenik, eta EHUko Gobernu Kontseiluak hala proposatuta, Gizarte Kontseiluaren Osoko Bilkurak Euskal Herriko Unibertsitateko ikasleen iraunkortasun-arauak onartu ditu, EHUko Gizarte Kontseiluak berak 2005eko abenduaren 19an onartutakoak ordezkatzen dituztenak. Horietan, Unibertsitateko ikasleek zentroetako batean ikasketak burutzeko bete behar dituzten eskakizun akademikoak ezartzen dira. Arau berriak erreforma akademikora egokitzen dira gradu-titulazio berriekin eta gradu egiaztatuen ziurtapen-beharrarekin; halaber, bide batez, ikasketak zati bateko dedikazioz gauzatzeko aukera barne hartzen dute, egoera horretan dauden ikasleen eskakizun akademikoak malguago bihurtuz. Orobat, aurreikusten da ikasleek aipatu arauak ez betetzeak ez duela esan nahi Unibertsitatea behin betikoz uzten dutenik.
Arau berrien artean, aldi baterako xedapen bat barne hartzen da eta, horren arabera, 1393/2007 Errege Dekretuaz aurretiko ikasketa-planak desagertu arte, desagertzear dauden plan horietan matrikulatutako ikasleei 2005eko abenduaren 19an onartutako iraunkortasun-arauak aplikatuko zaizkie. Arautegi osoa Gizarte Kontseiluaren web gunean kontsultatu daiteke: www.gizartekontseilua.com

 Bilbon, 2010eko uztailaren 14an

GIZARTE KONTSEILUAK HEZKUNTZA SAILARI PROPOSATU DIO GRADUKO 68 TITULU UPV/EHUn EZARTZEA 25.06.10

Bilbon gaur egin den Gizarte Kontseiluko ohiz kanpoko Osoko Bilkurak erabaki du Eusko Jaurlaritzako Hezkuntza, Unibertsitate eta Ikerketa Sailari proposatzea, 2010-2011ko ikasturterako, graduko 68 titulazio berri ezartzea Universidad del País Vasco/Euskal Herriko Unibertsitatean.
Kontseiluak onetsitako 68 gradu berrietatik, 21 Arkitektura eta Ingeniaritza Sailekoak dira, 9 Saiakuntza Zientzietakoak,  6 Osasun Zientzietakoak, 22 Gizarte Zientzietakoak eta Juridikoetakoak eta 10, berriz, Arte eta Giza Zientzietakoak.
Hurrengo zerrendak gradu guztiak eta horiek irakatsiko diren lekuak biltzen ditu:

GIZARTE KONTSEILUAK AHALEGIN GUZTIA EGINGO DU EHU-KO PROIEKTU ESTRATEGIKOAN ETA UNIBERTSITATEAREN PRESENTZIA SOZIALA INDARTZEN 16.06.10

EHUko Gizarte Kontseiluaren Osoko Bilkurak gaur 2011-2014 laurtekorako Plan Estrategikoa onartu du. Horretan, honako helburu hauek ezarri dira: EHUren proiektu estrategikoak laguntzea eta bultzatzea, Unibertsitateak gizartean duen presentzia eta interakzioa indartzea eta Kontseiluaren partaidetza hobetzea unibertsitate-gobernuan.

Hiru ardatz estrategiko horiek erabat bete daitezen lortzeko, Planak hogei ekintza inguru garatzea aurreikusten du, gutxika ezarriko direnak, urteko jarduera-planak adosten diren heinean. Horien artean proposamen hauek nabarmentzen dira, besteak beste: e-unibertsitatea bultzatzea titulu ez-presentzialen eskaintzarako; Unibertsitateko Balioen EHU Foroa abian jartzea, iritzia, kultura eta eztabaida sortzen laguntzeko; Lanbiderekiko lankidetzan unibertsitatetik laneratzeko zerbitzu bat abian jartzeko aukera aztertzea; edota Unibertsitateko ikasle ohien zerrenda bat garatzeko ekimenak abian jartzea.

Saio berean, Osoko Bilkurak “EHUren jarduera gizarteari jakinarazteko beharrezko informazioaren egitura eta edukiak” txostenaren ondorioak analizatu ditu. Azterketa hori Kontseiluak egin du, Unibertsitateari loturiko interes-taldeen informazio-beharrak estaltzeko, gai horren inguruan Kontseiluaren beraren Plan Estrategikoan ezarritako helburuekin bat, hots, honako hauekin bat:

• * Sortutako ezagutzari loturiko emaitzen (ikerketa) transferentzia-prozesua sortzea.
• * Unibertsitatearen gizarte betekizuna eta haren ekarpena euskal gizartean zein den jakinaraztea.
• * Unibertsitateak Gizarteari kontuak ematen laguntzea.
• * EHUren aintzatespen soziala hobetzea, gertuko eta erreferentziazko irudia proiektatuz, ezagutzaren eragile gisa.

Azterketan egungo egoeraren analisi bat dago, orobat Estatuko eta nazioarteko antzeko jardueren berrikuspen bat, eduki informatiboen eta horiek zuzendu behar diren eragileen identifikazioa eta Unibertsitatearen komunikazio-mekanismoen azterketa bat. Azkenik, komunikaziorako egitura eta eduki komunen proposamen bat agertzen da, baita tresna eskuragarriak eta horiek guztiak hobetzeko proposamenak ere. Azkenik, eduki gehienen kasuan, azterketan hobekuntza-proposamenak egiten dira Unibertsitatearen web atariari loturik eta bost jarduera-ildo handiren inguruan egituratuta: tresna berriak garatzea euskarri fisikoan, edukiak gehiago ezagutaraztea, web gunearen edukiak hobetzea, euskarri fisikoa duten tresnak hobetzea eta web tresna berri bat sortzea. Ildo horietarako, lanak ildoei loturiko zenbait jarduera proposatzen ditu, 75 ekintzako multzoa osatu arte.

Biodonostian parte hartzea
Bestalde, Kontseiluak onartu egin du Unibertsitateak Biodonostia Osasun Ikerketarako Institutu Elkartean parte har dezan. Elkarte horren helburua proiektuak garatzea, laguntza teknikoa eskaintzea, giza baliabideak prestatzea eta lankidetza teknikoko jarduerak garatzea da osasun-zientzien esparruan eta, batez ere, biomedikuntzaren esparruan. Halaber, Kontseiluak onartu egin du Arabako Foru Aldundiak Heziketa Fisikoko Euskal Institutua eta Institutuak hartzen dituen lurrak Unibertsitateari dohainik lagatzea.
Osoko Bilkurak Inbertsioen Urte Anitzeko Planaren Segimendu Batzordearen txostena ere aztertu du, non 2009 ekitaldiaren itxiturari buruzko datuak aztertzen baitira eta zifrak ekitaldiko gastu-aurreikuspenaren arabera doitzen baitira. Hartara, 2010 urteko 10,15 milioi euro 2011 urtera pasatzen dira, zifrak Hezkuntza, Unibertsitate eta Ikerketa Sailak planteatutako engaiamendu-kredituen urteko zenbateko berrietara egokitze aldera.
Azkenik, Errektoreak Gizarte Kontseiluari Euskampus proiektua ezagutarazi dio. Proiektu hori EHUren, administrazio publikoen eta Zientzia, Teknologia eta Berrikuntzako Euskal Sareko erakunde nagusien arteko aliantza bat da, ikasleei prestakuntza osoa eskaintzeko, garapen zientifiko eta teknologikoaren motor gisa jarduteko eta erakunde solidario, engaiatu eta sozialki arduratsua dela baloratzeko. Helburua unibertsitate osoaren eta kanpo-eragile guztien partaidetza eta inplikazioa duen proiektu estrategikoa egituratzea da, unibertsitate-eskaintza nabarmen bereizgarria eskaini ahal izateko, non bikaintasun-esparruak identifikatzen baitira eta non ikasleen eta irakasleen interesa erakartzen baita, bikaintasunean oinarritutako eta gizarte- eta ingurumen-balorez hornitutako proiektuan. Eta, hori guztia, Nazioarteko Bikaintasun Campusaren deialdian Euskal Herriko Unibertsitatearen hautagaitza aurkeztu ahal izateko egin da.