jump to navigation

Topalekua 70 zk. 2011 azaroa. 29.11.11

Posted by consejosocialupvehu in Uncategorized.
add a comment

160.- Osoko Bilkura 23.11.11

Posted by consejosocialupvehu in plenos-2011.
add a comment

Gai zerrenda hau da:

  1. 2011ko urriaren 5an burututako ehun eta berrogeita hemeretzigarren saioko aktaren irakurketa eta onespena.
  2. UPV/EHUren 2005eko Fiskalizazio Txostena. HKEE-ko Presidentearen azaltzea.
  3. Unibertsitateko 2010ko Txosten Ekonomikoa.  Ekonomia eta Finantza Batzordeak Osoko Bilkurari aurkezten dion akordio proposamena.
  4. Aurrekontu-aldaketak. Ekonomia eta Finantza Batzordeak Osoko Bilkurari aurkezten dion akordio proposamena.
  5. Ikasketa Osagarriak. Prezioak. Ekonomia eta Finantza Batzordeak Osoko Bilkurari aurkezten dion akordio proposamena.
  6. Irakasle eta ikertzaileen ordainsari osagarri gehigarrien esleipena. Berresleipenak. Ekonomia eta Finantza Batzordeak Osoko Bilkurari aurkezten dion akordio proposamena.
  7. Irakasle eta ikertzaileen ordainsari osagarri gehigarrien esleipena. Sententzien egikaritzea. Ekonomia eta Finantza Batzordeak Osoko Bilkurari aurkezten dion akordio proposamena.
  8. Gizarte Kontseiluaren finantza-informazioaren egoerak, 2011ko irailaren 30a.
  9. Presidentearen txostena.
  10. Erregu-galderak.

HERRI KONTUEN EUSKAL EPAITEGIAK GIZARTE KONTSEILUARI AURKEZTU DIO 2008KO UPV/EHUKO FISKALIZAZIOAREN TXOSTENA 18.11.11

Posted by consejosocialupvehu in notasprensa-2011.
add a comment

• HKEEren arabera, Unibertsitateak modu egokian bete ditu bere jarduerak arlo horretan erregulatzen dituzten legezko arauak
• Martínez Churriaquek salbuespen batzuk zehaztu zituen hainbat kapitulutan
• UPV/EHUk kontuak eman dizkio Kontseiluari, 2010. ekitaldiko Txosten Ekonomiko Ikuskatua aurkeztuta.

Tribunal Vasco de Cuentas / Herri Kontuen Euskal Epaitegiko presidenteak, José Martínez Churriaquek, gaur UPV/EHUko Gizarte Kontseiluari aurkeztu dio 2008. ekitaldiko Fiskalizazioaren Txostena, Universidad del País Vasco / Euskal Herriko Unibertsitateko finantza- eta ekonomia-jarduerei buruzkoa. Epaitegiko presidenteak esan duenaren arabera, Unibertsitateak modu egokian bete ditu bere jarduerak arlo horretan erregulatzen dituzten legezko arauak.
Txostenaren aurkezpenean, aurrekontuari, langile-gastuei eta administrazio-kontratazioari buruzko salbuespen batzuk zehaztu ditu Martínez Churriaquek. Halaber, Kontseiluaren Osoko Bilkurari aurkeztu zaion txosten horrek atal bat dauka 2006-2010 aldirako Inbertsioen eta Azpiegituren Urte Anitzeko Planari buruzkoa. Atal horretan ondorio batzuk azpimarratu dira Planaren aldaketen, finantzazioaren eta administrazio-kontratazioaren inguruan.

Kontuak ematea. 2010eko Txosten Ekonomikoa
Bestalde, Unibertsitateak Gizarte Kontseiluari kontuak emateko prozesuaren barnean Osoko Bilkurak onartu egin du UPV/EHUko 2010eko Txosten Ekonomiko Ikuskatua. Aldi berean, Osoko Bilkurak gomendio batzuk eman ditu datozen ekitaldietara begira. Besteak beste, honako hauek dira nabarmentzekoak:
• Soberakin guztien azterketa zehatza egitea
• Dagokien erakundeen aurrean beharrezko kudeaketak egitea, ordaintzeke dauden diru-laguntzak onar ditzaten.

Bestelako hitzarmenak
Era berean, Kontseiluak aurrekontu-aldaketa batzuk onartu ditu, eta Ikasketa Osagarrien bost ikastaroren prezioak baliozkotu ditu, beste gai batzuen artean.